Լվովի քաղխորհրդում «Սվոբոդա» խմբակցությունը առաջարկում է «քաղաքի պատվավոր քաղաքացու» կոչում շնորհել ուկրաինացի հինգ հայրենասերների՝ հայ Սերգեյ Նիգոյանին, բելառուս Միխայիլ Ժիզնեւսկիին, լվովցի Յուի Վերբիցկիին ու տվյալ պահին չնշվող եւս երկու հերոսների: ԱՅս մասին հայտարարել է ազգայնականների խմբակցության ղեկավարի տեղակալ Լյուբոմիր Մելնիչուկը, փոխանցում է ՈՒՆՆ-ը:

Մարտի 26-ին դաշնային դատավոր Դոլի Մ. Ջին անարդարացիորեն՝ իրավասության բացակայության պատճառաբանությամբ, մերժեց ամերիկահայերի ներկայացրած հայցն ընդդեմ Թուրքիայի Հանրապետության՝ Հայոց ցեղասպանության ժամանակ նրանց բռնագրավված կալվածքների փոխհատուցման պահանջով:

Մշակույթի նախարարությունը հայտարարում է մրցույթ «Ալ. Սպենդիարյանի անվան օպերայի եւ բալետի ազգային ակադեմիական թատրոն» ՊՈԱԿ-ի տնօրենի թափուր պաշտոնը զբաղեցնելու համար:

Փարիզ այցելած Ամենայն Հայոց կաթողիկոս Գարեգին II-ը Հայ առաքելական եկեղեցու ֆրանսիական թեմի՝ հրաժարական ներկայացրած առաջնորդ Նորվան Զաքարյանի հետ իր հարաբերություններն «հայրական» է անվանել հայ-ֆրանսիական «Nouvelles d’Arménie» թերթին տված բացառիկ հարցազրույցում:

Թուրքիայում գտնվող հունական հին գյուղում՝ Շիրինջեում, ապօրինի շինարարություն կատարելու համար մեղադրվող հայազգի լեզվաբան Սևան Նիշանյանը դատապարտվել է 2 տարվա ազատազրկման: Հրապարակախոս Սարգիս Հացպանյանի խոսքով` Նշանյանին դատապարտել են 2015-ին` Հայոց ցեղասպանության 100-ամյա տարելիցին ընդառաջ, և որ դա նրան առաջադրված հերթական շինծու մեղադրանքն է:

«Ընդառաջ Աստուծո, ընդառաջ սիրո» կարգախոսով մի շարք միջոցառումներ կանցկացվեն փետրվարի 4-14–ը Երևանում` Տեառնընդառաջի տոնի նախաշեմին, հայտնեց Սուրբ Գրիգոր Լուսավորիչ Մայր Եկեղեցու «Հավատամք» հոգևոր կենտրոնի հոգևոր հովիվ Տեր Հակոբ քահանա Խաչատրյանը։

Թուրքիայի Սիվաս (Սվազ) քաղաքում գտնվող Սուրբ Գեւորգ հայկական եկեղեցին կվերանորոգվի: Այն Հայոց ցեղասպանութունից հետո վերածվել էր զինանոցի: Ինչպես հաղորդում է «Արմենպրես»-ը` վկայակոչելով «Ակոս» թերթը, եկեղեցին վերանորոգելու խնդրանքով Սվազի նահանգապետարանի առաջ միջնորդությամբ հանդես է եկել Թուրքիայի պաշտպանության նախարար Իսմեթ Յըլմազը:

Ակնկալելով քարոզչական մեծ մղձավանջ Հայոց ցեղասպանության հարյուրամյակի ընթացքում, թուրք պաշտոնյաները փորձում են վնասազերծել իրենց երկրի՝ առանց այն էլ արատավորված հեղինակությունը:

Փետրվարի 21-ին Սոչիում կայանալու է Open Europe մրցույթի Գրան Պրիին արժանացած ճանաչված ջութակահար Էդգար Հակոբյանի մենահամերգը: Այն տեղի է ունենալու մշակութային օլիմպիադայի շրջանակում:

Թուրքիայի նախագահ Աբդուլլահ Գյուլը զանգահարել է օրեր առաջ հիվանդանոց տեղափոխված ստամբուլահայ հայտնի լուսանկարիչ Արա Գյուլերին եւ առողջություն մաղթել:

Հունվարի 27-ին՝ ժամը 19.00, Երեւանի «Արամ Խաչատրյան» համերգասրահում տեղի կունենա հայտնի հայազգի սովետական կոմպոզիտոր Միքայել Թարիվերդիեւին նվիրված համերգ: Երեկոյի ընթացքում Հայաստանի պետական Երիտասարդական նվագախմբի կատարմամբ կհնչեն մեծանուն կոմպոզիտորի Ջութակի կոնցերտը և կոմպոզիտորի՝ հայտնի և սիրված կինոնկարների համար գրված մեղեդիները։

Հայաստանի ժողովրդական արտիստ Ջիվան Գասպարյանը դեկտեմբերի 19-ին եւ 21-ին Մոսկվայի Էստրադայի թատրոնում հոբելյանական համերգներ կտա՝ Ջիվան Գասպարյան-կրտսերի, Օսիպովի անվան ժողգործիքների նվագախմբի եւ համաշխարհային լեգենդ, քնարահար Անդրեաս Վոլլենվայդերի նվագակցությամբ:

Ամերիկյան Մասաչուսեթս նահանգում Ուոթերթաունի միջին դպրոցի հայկական ակումբն ամեն տարի միջոցներ է հավաքում, որպեսզի բժիշկներ ուղարկի Հայաստանի հեռավոր գյուղեր: Այս տարի նոյեմբերի 17-ին այն կազմակերպել էր կինոցուցադրություն, որպեսզի այդ նպատակով գումար հավաքի: Այդ մասին գրում է «Watertown Patch»-ը:

Վաշինգթոնում ԱՄՆ-ի Դիմանկարների ազգային պատկերասրահում անցկացվում է հայկական ծագմամբ հայտնի կանադացի լուսանկարիչ Յուսուֆ Քարշի աշխատանքների ցուցահանդես, որը կշարունակվի մինչեւ 2014թ.-ի ապրիլի 27-ը: Այդ մասին գրում է «Washington City Paper»-ը:

Երեւանում հայտնի Փակ շուկան մինչեւ վերակառուցումը համարվում էր պատմական հուշարձան, սակայն դրա «վերանորոգումը» թույլ չտվեց այն ներառել ՅՈՒՆԵՍԿՕ-ի ցուցակնում: Այդ մասին NEWS.am-ի թղթակցի հետ զրույցում հայտնել է էկոլոգ Կարինե Դանիելյանը: